जयघोष चाले तुझा मोरया! 🙏🏻🚩

-

         अगदी लहान असताना आजीच्या आणि आईच्या गोष्टींच्या माध्यमातून परिचयात आलेला पहिला देव म्हणजे गणपती बाप्पा. याचं गोष्टींच्या माध्यमातून बाप्पा कधी आपल्या मनावर अधिराज्य गाजवून स्वतःची वेगळीच छाप सोडत प्रत्येक भक्ताच्या अडीअडचणीत पाठीशी कायम उभा असतो हे सर्वांना ठाऊक आहे.

गणेशोत्सवाची वाट अगदी  लहाण्यापासून ते मोठ्या व्यक्तींपर्यंत प्रत्येक जण आतुरतेनं पाहत असतो कारण गणरायाच्या आगमनाने मिळणारी स्फूर्ती, ऊर्जा ही कायम पाठबळ देत असते.

गणेशोत्सव म्हणलं की पहिलं नाव आठवतं ते मुंबई आणि नंतर पुणे. या सुरेख बाप्पांना पाहण्यासाठी भक्तांची अलोट गर्दी पहायला मिळते. गणेशोत्सव सर्वच ठिकाणचे  पाहण्यासाखेचं असतात परंतु मुंबई आणि पुण्यातील गणेशोत्सवाची गोष्टच निराळी. भव्य-दिव्य फुलांची आरास, कमीतकमी 20 फुटांची बाप्पाची मूर्ती, बाप्पाच्या मूर्तीवर अप्रतिम दागिने, चहुबाजूस विद्युत रोषणाई, विशाल देखावा, कडेकोट पोलीस बंदोबस्त आणि  मंडळात कार्यरत असलेले हजारो स्वयंसेवक ही बाब नवल करण्यासारखीचं!

मुंबई मधील मानाच्या गणपतींपैकी मुंबईचा राजा म्हणजेच गणेश गल्लीचा राजा हा पहिला येतो. इतर अनेक प्रसिद्ध आणि नवसाला पावणाऱ्या गणपतींपैकी लालबागचा राजा, चिंचपोकळीचा चिंतामणी, तेजुकाया आण परेलचा राजा असे अनेक मंडळ येत असतात. लालबागच्या राजाच्या दर्शनासाठी कमीतकमी ८ तासांचा अवधी लागतो कारण गर्दीचं त्या प्रमाणात असते. चिंचपोकळीचा चिंतामणी बाप्पाच्या दर्शनासाठी देखील त्याच प्रमाणात गर्दी होत असते. मानाच्या आणि नवसाला पावणाऱ्या बाप्पांच्या दर्शनासाठी असंख्य भक्तगण देशाच्या कानाकोपऱ्यातून येत असावेत याचा अंदाज काढणं अशक्यचं!

जेव्हापासून या बाप्पांबद्दल माहीत आहे तेव्हापासून मुंबईला जाऊन यांच्या दर्शनाची आतुरतेनं वाट पाहत होतो पण त्याला काही मार्ग मिळत नव्हता पण यंदा ही इच्छा गणपती बाप्पाच्या आशीर्वादाने सुखरूप पूर्ण झाली....

अगदी गणेश चतुर्थी ते अनंत चतुर्दशी पर्यंत प्रत्येक जण आपापल्या घरच्या घरच्या आणि जवळपासच्या सार्वजनिक गणेशोत्सवात इतका तल्लीन होऊन गेलेला असतो की या १० दिवसांचा विसरच पडून जातो. हिचं प्रसन्नता कायम बाप्पाच्या आशीर्वादाने सर्वत्र नांदत राहो हेचं बाप्पाच्या चरणी साकडं!

!! निरोप घेतो देवा आता आज्ञा असावी, 
चुकले आमचे काही तर क्षमा असावी !!

अशी आर्त हाक देत साश्रूंयनांनी बाप्पाला निरोप दिला....

गणपती बाप्पा मोरया!
पुढच्या वर्षी लवकर या!

Comments

Post a Comment

Popular posts from this blog

मी बाप्पा बोलतोय

-
प्रिय भक्तांनो, प्रत्येक वर्षी जेव्हा तुम्ही मला आपल्या घरी, गल्लीत, मंडपात आणता तेव्हा माझे हृदय आनंदाने भरून जाते. घराघरांतून येणारा "गणपती बाप्पा मोरया" हा जयघोष होताच मला तुमच्या प्रेमाची प्रचिती येते.  मी मूर्तीमध्ये असलो तरी प्रत्यक्षात तुमच्या हृदयात वास करतो. तुमच्या हसऱ्या चेहऱ्यात, छोट्या मुलांच्या किलबिलाटात, स्त्रियांच्या आरतीत, तरुणांच्या उत्साहात आणि वृद्धांच्या भक्तीत मी स्वतःला अनुभवतो. दहा दिवसात तुम्ही मला फुलं, नैवेद्य, मोदक अर्पण करता; पण मला खरा आनंद तुमच्या हृदयातील श्रद्धा, निरागस प्रेम आणि निर्मळ भावनेतून मिळतो. तुमची आरती करताना तुमच्या डोळ्यांत चमकणारे भाव पाहून मला वाटते की, माझे आगमन खऱ्या अर्थाने यशस्वी झाले..   मला प्रेमाने घरी आणता, पण कधी कधी त्या आनंदोत्सवात विसरता की माझे खरे रूप म्हणजे ज्ञान, सद्गुण, शांतता आणि समत्व. दगडामध्ये, मातीमध्ये किंवा शाडूमध्ये मी मर्यादित नाही; मी सृष्टीच्या कणाकणात आहे.मी तुमच्या प्रार्थना ऐकतो, अश्रू पाहतो, तुमच्या मनातील भीती आणि चिंता जाणतो, जोडलेला प्रत्येक हात आणि आणि त्यामाघची भावना ही मला ठाऊक आहे....
Read more

तटस्थ!

-
Image
  🚩 हजारो सुखा-दुःखांनी आयुष्य घडत असतं आणि हे सारं नियतीने अगोदरच ठरवलेलं असतं. माणूस संघर्षानेचं घडत असतो आणि ज्याला अपयश अथवा अडचणी नाही तो घडणार कसा..बरोबर ना..या साऱ्या गोष्टींवर मात करून स्वतःला सावरत अजून मजबूत बनवणं हे आपलं कर्तव्य आहे कारण घडलं नाही की पडलंच!    संघर्षाचं सर्वात मोठं उदाहरण जणू काय तर आजही हजारो वर्षांनंतर देखील तटस्थ असणारा सह्याद्री! पहायला गेलं तर डोंगर आणि दरी हे निर्जीव आहेत पण यांनी जे सहन केलं ते करायची धमक आणि विचार करण्याची क्षमता सुद्धा कोणाकडेही असेल असं खडकावून सांगू शकतो.. साक्षात महादेवाचं रूप श्रीमंत छत्रपती श्री. छत्रपती शिवाजी महाराज आणि धर्मवीर छत्रपती श्री. संभाजी महाराज यांचे पाऊलं पडलेली पावनभूमी, देवीदेवतांची जयघोष, गडगंज तोफा, लाखो मावळ्यांच्या आणि शत्रूंच्या रक्तरंजित लढाईनंतर पडलेला रक्ताचा सडा, अश्रूंचा पूर आणि बरंच काही... एवढं काही होऊनही हा सह्याद्री अजूनही तटस्थ उभा आहे आणि यामुळेच स्वराज्य आणि महाराष्ट्र घडला आहे....🚩❤️ असंच काहीसं आपणही घडावं...!
Read more

ट्रेकिंग!

-
Image
इतक्या दिवसांच्या विश्रांतीनंतर सहजच पुण्याला येण्याचा योग्य आला आणि मग काय इथलं वातावरण पाहून मन चलबिचल तर होणार हे साहजिकच!  अलगद पडलेली धुक्याची चादर, रिमझिम रिमझिम पावसाची चाहूल, चहुबाजूंनी उंच डोंगर-दऱ्या, माणसांची झुंबड अन रम्य वातावरण हीच खरी ओळख पुण्याच्या पावसाळ्याची.... मुंबई पुणे एक्सप्रेस वे वर डाव्या बाजूला घोराडेश्वर म्हणून महादेवाचं उंच डोंगरावर गुफेत वसलेलं मंदिर आणि ट्रेकिंग साठी हे खूप सुंदर ठिकाण आहे. पर्यटकांसाठी हे ठिकाण म्हणजे जणू काय सुंदर पर्वणीच! खालपासून जवळपास 1000 पायऱ्या, चालताना चढ-उतार, उंच टोकाला जाईपर्यंत श्वासाची होणारी धडधड, जसं जसं वर चढताल तसं तसं वाढणारा प्रचंड उत्साह, वरती पोहचल्यावर गुफेत महादेवाची स्वयंभू पिंड, आजूबाजूला छोटं-छोटे तलाव, नजर जाईल तिथपर्यंत हिरवळ, फोटो काढण्यासाठी उत्कृष्ट ठिकाण अन हे सर्व पाहता आठवते ती फक्त निसर्गाची किमया... ज्याप्रमाणे छोटंसं वर्णन मी लिहिलेलं आहे त्याचप्रमाणे मला सुद्धा तिथे गेल्यावर फोटो काढायचा आणि डोंगरावर चढायचा मोह आवरला नाही आणि त्यातूनच हा नकळत काढलेला फोटो... मन तृप्तच !!
Read more